ملاحظات هامه جداً في مسرح العرائس :-
1- الصوت : يجب أن يكون لكل عروسه صوت مميز جداً عن العرائس الأخري في وقت العرض فتكون عروسه مثلاً صوتها غليظ وأخري صوتها رفيع وأخري صوتها مختلف وهكذا ... لكي يستطيع الطفل تميز أي من العرائس تتكلم .
2-الحركه والسكون : عندما تتكلم العروسه يجب أن تتحرك وتفتح فاها , وعندما تسكت لتسمع عروسه أخري يجب أن تكون في سكون لاتتحرك وتغلق فمها (يمكن أن تهز رأسها قليلاً أي تأخذ وضع كمستمعه) وذلك لكي يميز الطفل من المتكلم ومن السامع .
الراوى : الدنيا كانت مقلوبة اصل الموضوع خطير , الموضوع كاس عالم ممكن يطير , ويروح للجزائر وتبقى ليله طين , والمشجعيين كانوا متحمسيين , والاعلام مرفوعة وبتطير ، وصفافير وهتافات واغانى ملهاش نظير .
دا كان يوم الماتش اللى هيحدد مصير مين هيدخل كاس العالم بين مصر والجزائر , وكان سمسم من المتحمسيين جدا لانه بيحب الكورة جداً وكان معاه زميله تختخ اللى كان متشجع جدا بالهيصة بس .
اية دا ......... دا صوتهم عالى قوى سامعين ......... سامعين بيقولوا اية
سمسم (يدخل سمسم ومعاه علم مصر)ومعاه تختخ زميله ( سمسم بيشجع بحماس وباين على تختخ انه مبيعرش حاجه بيقلد سمسم )
سمسم : حنلف شمال .. حنلف لمين .. على كاس العالم رايحين رايحين ، حسن شحاتة يا معلم .. خلي الجزاير تتألم ،أحمد حسن .. لاعيب حديد .. ماتش الجزاير .. ده يوم العيد ، ون تو ثرى تريكة حيجيب أتنين . وشوية هتافات كتيرة
سمسمة : ياسمسم حرام عليك ياسمسم صوتك عالى خالص ومزعج جدا مش عارف اذاكر .
سمسم : مذاكرة .... مذاكرة اية النهاردة ياسمسمة النهاردة يوم النصر اليوم اللى المفروض منعملش اية حاجه خالص فيه
سمسمة كله دا علشان الماتش النهاردة ...... طيب الماتش لسه شوية علية ليه عامل دوشة
سمسم : النهاردة ماتش مش عادى
تختخ : ايوة ياسمسمة النهاردة ماتش مش عادى
سمسم : ينغلب او لقدر الله بعيد عن الكل نتغلب
تختخ : ايوه ينتغلب او نتغلب صح كدا ياسمسم
سمسمة : شكلك ياتختخ مش فاهم حاجة وماشى ورا سمسم وخلاص
سمسم : الماتش النهاردة لو غلبنا هندخل كاس العالم بس يااااارب نكسب
تختخ : ايوه احنا عايزين نغلب النهاردة , هو ياسمسم الماتش بين مين ومين ياسمسم
سمسم : يادى المصيبة ..... يالهووووى اديلى ساعتين بفهمك ان مصر هتلعب مع الجزاير انت جبتلى الضغط والسكر
سمسمة : ياه ه ياسمسم انت متحمس قوى للمتش وكانك انت اللى هتلعب النهاردة
سمسم : ياسمسمة انتى عارفة انى بحب الكورة قوى غير كدا ان مصر اللى هتلعب النهاردة مصر مصر
تختخ : ادا ..... هى مصر هى اللى هتلعب النهاردة ياسمسم
سمسم : حرام عليك يا اخى حرام ارحمنى بقى
سمسمة : ومن امتى الروح الوطنية دى ياسمسم
سمسم : يابنتى دى مصر مصر هى امى، نموت لمصر ونعيش لمصر مصر مصر تحيا مصر
تختخ : هو فلافيو هيلعب النهاردة ياسمسم
سمسم : انا غلطان انى جبتك تسمع الماتش معايا ياتختخ ..... شلتنى ، ادا الماتش هيبتدى دلوقتى يلا بسرعة يتختخ وانا هفهمك على كل حاجة واحنا بنسمع الماتش سلام ياسمسمة, هو انتى مش هتسمعى الماتش معانا ولا اية
سمسمة : حاضر ياسمسم روحوا انتوا وانا هشوف ماما محتاجه حاجة منى ولا لا وهاجى اسمع معاكم .
سمسم : خلاص اوك ياسمسمة منتظرينك يلا يتختخ بسرعة علشان الماتش هيبتدى ( يفضلوا يقول شوية هتافات وهم رايحين يسمعوا الماتش )
صوت تلفزيون الماتش وسمسم وتختخ منفعلين جدا فى الماتش بعبارات زى (العب يااخى العب دانت واد مكسح شوط شوط شوط اخ يافالح بره دانا لو كنت نزلت بدالك مكنتش عملت اللى عملته دا ) وهكذا فترة من سماع الماتش بطريقة مضحكة وتختخ بيسال اساله غبية فى الماتش
الراوى : وزى مانتوا شايفين ياحبايبنا سمسم وتختخ وسمسمة سمعوا الماتش وكانوا بيشجعوا بحماس خالص ، بس للاسف الماتش خلص ان مصر اتغلبت واحد صفر وخرجت من انها تدخل كاس العالم ، وسمسم زعل جداً جداً وتختخ كالعادة مش فاهم هو مين اللى غلب .
سمسم : يخسارة يامصر يخسارة خرجنا من كاس العالم (ويبكى بطريقة كوميدية )
تختخ : متزعلش ياسمسم متزعلش احنا عملنا اللى علينا شجعناهم ورفعنا الاعلام واكلنا لب وترمس واحنا بنسمع الماتش بس هما معرفوش حتى يجيبوا خمسة صفر دا حرام حرام (ويبكى برضوا هما الاثنين بطريقة كومدية) .
سمسمة : ياجماعة مالكم دا ماتش كورة رياضة فيها المكسب والخسارة الموضوع بسيط ساعات بنغلب وساعات نتغلب لان الكورة مكسب وخسارة .
سمسم : بس الخسارة طعمها وحش جداً ياسمسمة
تختخ : ايوة ياسمسمة الخسارة طعمها وحش هى والترمس اللى اكلنا واحنا بنسمع الماتش
سمسم : يااخى حرام عليك اعمل فيك اية انت الملهومش فيها بيشجعوا مصر واحنا معاهم
سمسمة : فعلاً ياسمسم الخسارة والهزيمة حاجة وحشة خالص عارف الماتش عامل زى حايتنا اللى احنا عايشنها والفريقين اللى بيلعبوا زى
تختخ : مصر وليبيا صح كدا ياسمسمة
سمسمة : لا مقصدش كدا اقصد ان الفريقين اللى بيلعبوا الفريق الاول احنا والفريق التانى الشياطين اللى بيحاولوا يهزمونا ويوقعونا فى الخطية ويبعدونا عن ربنا ويخلونا ننسا كل حاجة حلوة ربنا بيعملها ويلوهنا بحاجات كتيرة ملهاش لازمة .
سمسم : فعلا ياسمسمة احنا فعلا فى ماتش بس مش ماتش كورة لكن ماتش من نوع تانى ، بس ابليس دايما بيغلبنا ياسمسمة ويخلينا دايماً مهوزمين وزعلانين زى ماتش النهاردة .
تختخ : انا مش فاهم حاجة وهو فى ماتش تانى هنلعبوا
سمسم : قلبى قلبى ....... انا هموت علشان تستريح ياتختخ .
سمسمة : ركز ياتختخ الماتش دا بينا وبين ابليس اللى بيحاول يهزمنا دايما والهدف والجون بتاعة هو انه يبعدنا عن ربنا
عارف ياسمسم ليه دايما ابليس زى ماانت بتقول كدا بيهزمنا ويخلينا زعلانين علشان احنا بنبعد عن ربنا اللى هو الهداف الاول والاخير القوى جدا اللى الوحيد اللى يقدر ينتصر عليه ، ابليس هدفه انه يبعدنا عن ربنا ولما بينجح فى كدا بنكون ضعفاء جدا جدا لان الانتصار عليه مش هينفع ابدا من غير يسوع.
سمسم : صح ياسمسمة بدون ربنا مش هنقدر نعمل حاجة وابليس يستفرض بينا ويهزمنا على طول .
سمسمة : فاكر الترنيمة اللى كنا بقولها زمان خالص ياسمسم فى مدارس الاحد اللى كانت بتقول .... خدها نصيحة على مر الايام ابليس لو جالك متسمعلوش كلام قله ياشاطر متتشطرش عليا علشان انا مش قدك ملكش معايا كلام ان كنت شاطر تروح تتحدى ربى .....
تختخ : ياسمسم ياسمسم انا مش فاهم هو احنا هنغلب ازاى ابليس دا اللى كل مرة بيهزمنا ويوقعنا فى خطايا كتيرة ....
سمسم : بص ياتختخ انت حالتك صعبه خالص اسمع الترنيمة ويارررب تفهم بس ركز فيها كويس لانها فيها سر الانتصار على ابليس واعوانة . تعال نسمعها.............. وتشتغل الترنيمة
الرب يبارككم صلوا من اجلي ،