ava mikhael sons
اخى الحبيب ان كنت عضواً فى المنتدى فتفضل بتسجيل الدخول الان
اما ان كنت زائر فيشرفنا انضمامك إلينا

مع العلم ان قوانين المنتدى تمنع التسجيل بأى اسماء خارجه او بأيميل بدلا من الاسم او بأرقام تليفونات واى يعضو يخالف تلك الشروط يحذف نهائياً من المنتدى



انضمامكم إلينا يشرفنا وننتظر مجهودكم وابداعاتكم لرفع اسم رب المجد وتمجيده

ava mikhael sons

منتدى عام
 
البوابةالرئيسيةالتسجيلدخول
ممنوع التسجيل بأسماء غير مفهومه أو بالبريد الألكترونى ، كما يمنع منعاً باتا كتابة أى بيانات شخصية أو إيميلات ، وعدم وضع صور شخصية وذلك منعا لحدوث أى مشاكل اومضايقات                                

شاطر | 
 

 إسكتش : المهم الاساس لاطفال مدارس احد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سيفى
مشرف
avatar

عدد المساهمات : 359
تاريخ التسجيل : 10/12/2009
العمر : 26

مُساهمةموضوع: إسكتش : المهم الاساس لاطفال مدارس احد   الأربعاء 23 ديسمبر 2009, 5:13 am

الشخصيات : الاب , الام , مريم (الابنه) , كمال (المهندس)


يبدأ المشهد ببيت تظهر عليه علامات البساطة و تجلس الأم و هي تخيط وحدها .. ثم تدخل ابنتها مريم.(يبدو عليها علامات البله قليلا)


مريم:يا ماما.....يا ماما......عايزة المورجيحة اللي قولتلي عليها يا ماما.


الأم:هانت.هانت يا بنتي قولي بس يا رب و المكافأة بتاعة أبوكي يأخذها و نجيب اللي احنا عايزينه


مريم:مكافأة..مكافأة ايه دي يا ماما


الأم:دي المكافأة اللي أبوكي مستنيها من زمان علشان خدمة عملها في شغله و دي مكافأة كبيرة قوي


مريم:وهاجيب لبس كده كتير و شنط و جزم و اللي هاعوزه.


الأم:بس يصرفوهاله الأول و بعد كده نفكر في الكلام ده كله.هو على حسب كلام أبوكي انها المفروض تتصرف اليومين دوول.


مريم:و انتي نفسك في ايه يا ماما.


الأم:أنا نفسي بقى أغير البيت ده كله و ابني بيت جديد بدال الزنقة و القرف اللي احنا عايشين فيه.


مريم:يا رب فك القيود و ابعت النقود يا رب


(يسمع طرقات بالباب سريعة و متتالية)


مريم:ده مين ده اللي بيخبط كده يا ماما


الأم:مش عارفة يا بنتي شوفي كده مين على الباب


مريم:حاضر يا ماما.


يدخل الأب و هو تبدو عليه علامات السعادة و الفرح


الأم:ايه بتخبط ليه كده و انت معاك مفتاح أصلا


الأب:ياااه صحيح نسيت من الفرحة...يا سعاد خلاص كل اللي بنحلم بيه هايتحقق،كل مشاكلنا هاتتحل باذن الله


الأم:قصدك ايه..قصدك انك خلاص أخذت المكافأة...صرفوهالك




الأب:ايوه تمام...كل حاجة نقدر نعملها دلوقت...كل اللي اتفقنا عليه مش كده و بس ده أنا كمان شفت حتة أرض لكن ايه في مكان ممتاز و سعرها جميل جدا و اتفقت عليها و هادفع الفلوس بكرة ان شاء الله.


الأم:أخيرا...أخيرا هانغير البيت القديم ده و نعيش في بيت واسع و جديد.يا سلام...يا سلام مين كان يصدق


مريم:و أنا يا بابا...يا بابا...يا بابا هاتجيبلي لعب يا بابا.


الأب:كل اللي عايزاه يا مريم.


مريم:أنا عايزة أوضة لوحدي بدل الزنقة مع البت كوكي أختي دي اللي جبتوهالي تكتم على نفسي.


الأب:انتي تأمري يا مريم


: ( تضحك )ها هي هي هي ها ها ها.أنا هأدخل أنام بقى شوية


الأب:المهم دلوقتي احنا لازم نتصل بمقاول علشان نشوف موضوع البنا ده هيكلف كام و نبدأ بقى بسرعة.


الأم:في المهندس كمال اللي بنى لجارتنا بيقولوا عليه راجل شاطر و الناس كلها بتشكر فيه و معايا نمرته كمان.


الأب:الحقيني بيها علشان نتفق على معاد يجي يقابلنا فيه.


الأم:خد يا سيدي


الأب:أيوه تمام كده و يمسك سماعة التليفون 2356790.......ألو أيوه المهندس كمال أنا الأستاذ محسن.....أن كنت عايز حضرتك في موضوع مهم بخصوص حتة أرض و عايز أبني عليها بيت.....أيوة و عايزك انت اللي تقوملي بالموضوع ده.....انهاردة الساعة 6.حلو قوي..مناسب جدا....أنا في انتظارك


الأب:ياللا اجهزي يا مديحة المهندس هايجي الساعة 6 عايزين نحاول نقص معاه في السعر.العملية مش ناقصة مصاريف كتير.


الأم:أيوة ما احنا عايزين نشيل كمان قرشين للزمن.


تبهت أضواء المسرح و الأب يقرأ في الجرائد ثم ينظر الى الساعة و يقول


الأب: تلاقي المهندس على وصول خليكي قاعدة معايا علشان نقدر نتفاهم معاه


تسمع طرقات الباب ثم يذهب الأب ليفتح للمهندس كمال


الأب:ده أكيد المهندس كمال وصل


يذهب ليفتح.....أهلا و سهلا يا بشمهندس.منور البيت.


م/كمال:الله يخليك يا أستاذ محسن ده بس من زوقك.


الأم:اتفضل يا بشمهندس.بيتك


م/كمال:....


الأب:نخش في الموضوع على طول...زي ما قلتلك أنا عايز أبني بيت على الأرض بتاعتي و كنت عايز حضرتك تتولى الموضوع دة و نشوف مع بعض الحسبة و التكلفة


م/كمال:بس الموضوع ده هايكلفك كثير.


الأم:ما شطارتك بقى معانا يا بشمهندس و الأمور هاتبقى ذي الفل.


م/كمال:على العموم أنا هاقولوكم على الأسعار و نشوفها مع بعض


يعني مثلا هانجيب 5 طن أسمنت 60 ألف جنية


الأب:بصوت عالي.. و ليه ده كله ده كفاية 3 طن و العملية هاتمشي احنا هانبني السد العالي و أبقى نزود الباقي زلط و رملة


م/كمال:بس اللي أنا بأقولى ده مهم جدا و لازم يتجاب أصل أهم حاجة الأساس.


الأب:الأساس،المهم الإزاز.ثم ان الأساس أكيد هايستحمل دة حتة بيت صغير يا هندسة مش عمارة.


م/كمال:براحتكم(بكل استغراب).... بس الحديد المسلح بقى غالي و ده مافهوش كلام.يعني تقريبا 4 طن حديد ب 30 ألف جنية


الأم:يا بشمهندس.. يا هندسة احنا هانرمي فلوس في الأرض و بس.مانستغل الفلوس الكتير دي في الديكورات و التحف و تزيين البيت.


م/كمال:في الأرض....!!في الأرض!!ايه يا هانم دة اللي بتقوليه ده أسمه الأساس يعني أهم حاجة في البيت.


الأب:برضه هايقوللي الأساس.ما كل الناس بتبني أبراج و لا في حاجة بتحصل احنا بس اللي بنكبر المواضيع.يا راجل خليهم طن و نص و العملية هاتمشي.


م/كمال: بس ده هايبقى خطر على البيت




الأم:و لا خطر و لا حاجة و الفلوس اللي هانوفرها نعرف نستغلها زي ما قلنالك في الزينة و الديكورات


الأب:أقولك أنا بقى..احنا عايزيين الطوب من برة طوب فرعوني و....(يقطع المهندس)


م/كمال:فرعوني ايه و صيني ايه بس يا أستاذ.خلينا دلوقتي في الأساس احنا لسة ماخلصناش.


هانعوز تقريبا 10 عربيات رملة ب 2000 جنيه


الأم:أدفع في رملة 2000 جنيه.دة حتى يبقى حرام.رملة يا عالم أدفع فيها 2000 جنيه.


م/كمال:بس دة مهم جدا في الأساس.


الأب:أساس...أساس...أساس


ماقولتلك المهم الإزاز يا بشمهندس.


يعني نجيب منين للدهانات و الخشب و السيراميك و التحف و اللى..و اللى... و اللى.كفاية 5 عربيات رملة


م/كمال:يووه اللي تشوفوه بس أنا بأحذر أهه.ان أهم حاجة الأساس.


الأم:طبعا.. طبعا و احنا عارفين و مقدرين كده كويس


تدخل مريم الصالة


مريم:هى هى هى هى اوعى تكون نسيت تقوله على المورجيحة يا بابا


م/كمال:مورجيحة... أنا بأقول أساس و انتي بتقولي مورجيحة


الأب:أيوة يا مريم هانقولله.هانقولله المهم يا بشمهندس عايزين نبدأ من بكرة مشروعنا.


م/كمال:حاضر يا أستاذ/محسن.في خلال 6 شهور انشاء الله هاسلمك البيت.


الأم:و ماتنساش يا بشمهندس تجيب معاك مهندس ديكور يكون شاطر و على زوقك علشان يفنن في البيت و أهم حاجة الشكل من برة و الجنينة و الديكورات.و اوعى ينسى المورجيحة علشان مرمر العسولة.


مريم:ها ها ها ها....


م/كمال:بس م/الديكور ممكن ياخد فلوس كثير.


الأب:ياخد اللي ياخده المهم عايزين حاجة شكلها حلو و جميل كده.


م/كمال باستغراب و تعجب، و يضرب كف على كف)


إسكتش : المهم الاساس 5- 5


م/كمال باستغراب و تعجب، و يضرب كف على كف)


ياخد اللي ياخده.... اللي تشوفوه و أنا هابقى أتابعكم(يخرج المهندس).مع السلامة.


الأم:سلام يا بشمهندس


مريم:سلام يا عمو...المورجيحة يا عمو.


الأب:أخيرا...أخيرا حلمنا هايتحقق و نبني بيت جميل يضمنا و نعيش فيه على طول.


الأم:امتى بقى يجي اليوم اللي هانسكن فيه في البيت ده طول عمرنا (يظلم المسرح)


يظهر مشهد و المهندس بالبيجامة في بيته و ممسك الجرائد


م/كمال:ياااه أخيرا خلصت بنى البيت.ده الواحد تعب فيه قوي.بس ربنا يستر أهه فات 3 شهور على البيت و ماحصلش حاجة.


(ينظر في الجرائد فترة ثم يقف مفزوعا).


يا ساتر يا رب... أنا كنت حاسس.أنا حذرته و قولتله أهم حاجة الأساس...أهم حاجة الأساس.لكن للأسف ماكانش بيسمع كل اللي بيفكر فيه الشكل من برة.جمال البيت من برة بس.لكن يا خسارة أهو البيت وقع و كل اللي فيه ماتو... يا خسارة.. يا خسارة

النهاية
الرجوع الى أعلى الصفحة اذهب الى الأسفل
dodyboss
المدير العام
avatar

عدد المساهمات : 1779
تاريخ التسجيل : 12/03/2009
العمر : 34
الموقع : فى حضن الآب

مُساهمةموضوع: رد: إسكتش : المهم الاساس لاطفال مدارس احد   الأربعاء 23 ديسمبر 2009, 5:53 am

صباح الخير سيلفيا
شكرا على المسرحية وتعبك فيها
بس ليا تعليق
اذا كانت المسرحية دى لمدارس الأحد
فأظن ان صعب جدا على الأطفال استنتاج هدف المسرحبة منها
ويفضل ان يكمل الروى المسرحبة
دى غير ان المسرحبة باكملها لم يذكر فيها الله او ما شابه
اسف للتعليق
واتمنى اخذ الأنتقاد فى الأعتبار
ربنا يعوضك

++++++++++++++++++++++++++++++++++++++++++

أذكر خالقك أيام شبابك



ربنا موجود ومالى كل الوجود


الرجوع الى أعلى الصفحة اذهب الى الأسفل
http://avamikha.mam9.com
سيفى
مشرف
avatar

عدد المساهمات : 359
تاريخ التسجيل : 10/12/2009
العمر : 26

مُساهمةموضوع: رد: إسكتش : المهم الاساس لاطفال مدارس احد   الأربعاء 23 ديسمبر 2009, 6:02 am

عهدى ميرسي لمرورك وردك الجميل وان شاء الله هاخد بالى المره الجايه
الرجوع الى أعلى الصفحة اذهب الى الأسفل
 
إسكتش : المهم الاساس لاطفال مدارس احد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ava mikhael sons :: منتدى الأنشطة والخدمات التعليمية :: مسرح كنسي-
انتقل الى: