حكاية واحد مستعجل اوى

مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : لو سمحت من فضلك قلعني الجاكتة

فالاولاني قال له : نعم؟!!!

فالتاني قال : قلعني الجاكتة بسرعة

حاضر.. حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..الكرافته بسرعة

حاضر.. حاضر و راح مقلعه الكرافته و هو مستغرب اوي من الراجل الغريب ده : ها يا سيدي اي خدمة تانية!!

اه .. معلش فكلي زراير القميص

لااااا دانت زّودتها اوي .. كده تاخد برد يقلب بنزلة شعبية حادة تاخد أجلك

من فضلك فكها .. بسرعة .. ارجوك

ُافففففف.. وادي زراير القميص خلاص فكتها.. ها أي اوامر تانية؟

أيوه قلعني بقه القميص

يا سيدي عييب .. مايصحش كده , د إحنا فى الشارع خللي عندك دم .. !!

أرجوك.. أرجوك بسرعة.. مافيش وقت

دي وقعت إيه المهببه دي, أنا كان إيه إللي جابني من الشارع ده..وادي القميص ... هاااا.. إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. إنت مجنون ياراجل أنت؟؟!!

من فضلك .. أرجوك

رسمتلك بالطول وبالعرض

رقملي بقه المربعات إللي إتكونت على ظهري بالأرقام من 1 إلي 40

يا صبر أيوووب .. بقه إنت معطلني كل ده علشان تلعبني سيجه ؟!!!!

بسرعة لو سمحت .. أرجوك رقمهم .. من فضلك مش قادر

أديني رقمتهم...

لو سمحت بقى أهرشلي في المربع رقم 33 !!!!

ههههههههههههههههه

حبسنا الله ونعم الوكيل
تعرفى انا لوقابلت واحد زى كده ممكن اعمل فيه ايه ؟؟؟؟؟
ههههههههههه
هابقى اقولكم بعدين

ههههههههههههههههههههههه
يارب متقابلشواحد زى دة ياعهدى
ميرسى لمرورك ياعهدى

هههههههههههههههههههههههههههههههههههه
حلوة قوي
بجد القسم ده جاااااااااااااااااااااااااااامد

ههههههه
ميرسى لمرورك ياشارل نورت

ده عايز العدرا نفسها تتصرف فيه
هههههههههه

» اكرم اباك وامك.........حكاية ام انهارت من رسمة ابنها!!!!!