كلمات اصلها قبطى ولا نعلمها........ ادخل وشوف !!!!!!!

لو بس أمسكه إبن الإيه:
لفظة "إيه" هى لفظة قبطية. "إيه" بمعنى بقرة أوعِجل ، فكأن معنى العبارة "لو بس أمسكه إبن البقرة! "

إتمرمط آخر مرمطة:
وكلمة "مرمطة" قبطية قديمة "مارماتا" بمعنى ألم ، وجع , وترادف ايضاً "بهدلة" فنقول "فلان إتمرمط آخر مرمطة" بمعنى قاسى كثيراً، كما نقول "فلان شغال مرمطون".

هوس اسكتى مش عاوز أسمع ولا كلمة:
وكلمة "هوس" قبطية بمعنى يغلق ، يقفل والمقصود اقفل فمك , ومن الكلمة جاءت
"هويس" وهو عبارة عن ألواح حديدية تقفل على مأخذ المياه للترع

فلان ده بــِلـــِـــط:
ما أكثر البلطين اليوم ، فنحن نجده فى كل مكان ، وكلمة "بِلِط" هى كلمة قبطية من "بيلتى" وتعنى "مِـقعـَدة الجسم" , فيكون المقصود بالكلمةانه كثير الجلوس أو كسلان ومنها إشتق التعبير "فلان مبلط فى الخط" بمعنى كسلان ولايعمل, ويقول البعض على سبيل السب
"فلان ده بلط بلاطة .. ياساتر

شوطة لما تشيلك يابعيد:
وهذه العبارة تقال على سبيل السب ، وأصل كلمة "شوطة" هو الكلمة القبطية "شووت" وتعنى كوليرا ، وباء ،الهواءالأصفر . وعادة تقال الشوطة عن الفراخ ، ويقابلها "الفِرة" للفراخ أيضاً

الست دى شلق:
يقولون فى المناطق الشعبية عن المرأة كثيرة العراك ذات
الصوت العالى والألفاظ البذيئة الممطوطة أنها "شلق" ، والكلمة أصلها قبطي "شلاك" وتعنى إمتداد أو مط , وتعنى أيضاً توتر وانفعال .. وفعل الكلمة هو "شولك" وتعنى يمتد، يتصلب ، يقوى. فعندما نقول هذه المرأة "شلق" نقصد أن ألفاظها بذيئة وممطوطة. ومنها "تِشلَّق" بمعنى تقول ألفاظ نابية, ويرادفها أيضاً باللفظة "تردح" وتعنى نفس الشئ تماماً ومنها "الردح" و المرأةالرداحة.

دول شوية أوباش:
هل فكرت مرة أن تأتى بمفرد كلمة "أوباش"؟ بالطبع لتجد لها مفرد لأن الكلمة فيما أظن هى جمع ومفرد فى آن واحد، فهى مأخوذة من الكلمة القبطية "أوباش" وتعنى عريان صعلوك

إنت يا واد يا مِدَهوِل على عينك:
والكلمة "مدهول" هى كلمة قبطية "متاهوول" وهى مركبة من مقطعين "متاهو" أى يرتب ثم تأتى "أوول" أى للخارج وهى تفيد النفى ، فيكون المعنى الكلى غيرمرتب أو مهمل ومن
هنا جاءت الكلمات "دهولة" بمعنى إهمال وعدم ترتيب , و"يدهول" بمعنى يبعثر وهى أساساً من اللفظة المصرية القديمة "مدهى" وتعنى مهمل

الواد ده مايص ويحب يمهيص:
وكلمة "مهيص" هى كلمة قبطية "مهيوص" بمعنى مملوء سرعة وهى مركبة من "مه" بمعنى مملوء و "يوص" بمعنى سرعة أوعجلة , ومن المصرية القديمة "مح" بمعنى مملوء ,
و"أس" بمعنى سرعة , فيكون معنى العبارةأنه "مملوء بالسرعة أو بحب النط" أو كما نقول بالعامية "بيحب اللعب ومش بتاع شغل"ومن الكلمة أشتقت كلمات أخرى مثل "مهيصة" و "مهياص" بمعنى يحب المهيصة.

ربنا ما يحرمك من الهبل:
وهو تعبير سب مستظرف يقال عندما يتغابى شخص أو يتصنع الغباء وأصل الكلمة يونانى "هابلوس" وتعنى بسيط ، ساذج , ومن الكلمة أشتقت الألفاظ "أهبل" أو "مهبول" بمعنى ساذج و"يستهبل" بمعنى يدعى السذاجه ،و"إستهبال" بمعنى إدعاء السذاجه

فلان حياته هلس:
وكلمة "هلس" من كلمة قبطية أصلها يونانى "هيلوس"، "هيلوس" بمعنى تلف ، فساد ، دَنَس
ومن الكلمة جائت لفظة "هلاس" بمعنى فاسد ، تالف ، دَنِس "

ما تعتمدش علية أحسن ده أتول:
وكلمة "أتول" هى كلمة قبطية "أتول" وتعنى مغفل أوجاهل, والكلمةمركبة من "أت" بمعنى عديم وتستخدم للنفى ومن "وال" وتعنى عين أو نظر , فيكون المعنى عديم النظر

منقول

صباح الخير بوبا
شكرا على الموضوع الجااااااااامد
ربنا يعوضك
بس مفيش غير الشتايم بس ولا ايه ؟؟؟
ههههههههههههههههه
ربنا يبارك حياتك
اذكرينى فى صلاتك

هههههههههههههههههههههههه
ميرسى ياعهدى على ردك ومرورك
ربنا يبارك حياتك وخدمتك

» ازاى تخلى الكول تون ترنيمة بدل اغنية ؟؟؟؟ ادخل وشوف وجرب بنفسك .....
» حرق منزل قبطى فى عزبه بشرى
» اختار لونك المفضل وشوف ربنا هيقولك ايه ؟
» كلمات قبطية
» كلمات مؤثرة