مدينة الأحلام

موضوع: مدينة الأحلام السبت 14 أغسطس 2010, 5:35 pm

في يوم من الايام
شفت حلم وسط الاحلام
وفيه صوت بيندهني
وقالي كتير كلام
صوت قاصد يسمعني
عتاب وملام
صحيت من نومي
مالقتش غير سكات
مالقتش غيري انا
بس فودني صوت اهات
سالت نفسي ايه يكون
رد قلبي دا صوت الذكريات
رديت علي قلبي وقلت
هو انا مش نسيت اللي فات
وبقي كل شئ عادي
ودا كله اصبح ماضي
رد عليا الصوت الهادي
وكأنه صوت من الماضي
قالي مش فاكر
خلاص نسيت اللي كان
قوام نسيت صوتي
ونسيت اللي كان زمان
سالته وكلي لهفه
وحست فجاه بالامان
سالته وكلي حنين
معقوله يكون دا صوتك
رد عليا بصوت حزين
قال لي انا راجع ندمان
قالي انا راجع وحشني حضنك
انا راجع محتاج للحنان
لقيت الدموع ماليه عنيه
وبيبكي ويقول انا غلطان
سالته ودموعي ماليه عنيا
ليه بعت اللي كان
رد بصوت حزين
سرقني الغرور والوهم
سالته كنت فين طول السنين
رد عليا كنت ماشي وراء سراب
سالته كنت فين
رد قالي فبعدك ذوقت العذاب
سالته بصوت مليان الم وحزين
طب راجع تاني ليه
رد بصوت ماليان جراح
نفسي فحضنك ارتاح
فبعدك نسيت الافراح
ورجعله وندمان علي اللي راح
سالته وصوتي فرحان
انت لسه بتحبني
رد قال بعشقك
سالته طب ليه سيبتني؟؟؟
رد بصوت مخنوق
كنت باصص لفوق
سالته قلت ودلوقتي
قالي قاتلني الشوق
قالي وحشني صوتك وكلامك
وحشني همسك وسلامك
مش عارف ليه انا حنيت
ولكل جراحه فيا نسيت
شدني احساس الحب
زادت جوايا نبضات القلب
جريت عليه بسرعه
جريت عشان اضمه فحضني
جريت وكلي لهفه
جريت وكلي اشتياق
جريت عليه بسرعه
ونسيت ايام العذاب
وفجأه سكت الصوت
اتاريني كنت بحلم بحلم من الاحلام
وكل اللي سمعته سراب
اتاريني كنت بكلم نفسي
اتاريني كنت بوهم نفسي
اتاريني كنت بقول اللي في نفسي
وكل دا كان مجرد خيال
بس كان عذاب فوق الاحتمال
حسيت اني مسجون وراء اسوار اوهام
اتاريني كنت عايش في مدينه الاحلام

منقوووووووول

صباح الخير مارى
شكرا على الكلمات الجميلة
ربنا يعوضك
ونتمنى المزيد الاشعار الدينية